Rumannan e grasia di Dios sea ku boso. Manera boso sa nos ta den lockdown i tur kos ta será, pero nos iglesia no ta será.
Ta solamente e edifisio ta temporalmente será. E iglesia di Kristu-Hesus rònt mundu ta pasando dor di retonan ku e pandemia a trese kuné.
Pero nos ta haña speransa den nos buskeda di Dios i den e konosementu ku nada por para e iglesia di Kristu-Hesus.
Nos ta solamente adorando diferente te ora nos por reuní atrobe. I nos lo bin huntu atrobe.
Mi sa ku algun di nos ta desapuntá, tristu, spantá, pero nos tur ta den e kos aki huntu i nos tei pa bo.

Kiko nos lo NO hasi: nos lo NO kai den paniko i nos lo NO desperdisiá e oportunidatnan pa gana alma pa Kristu i sirbi nos komunidat.

Loke SI nos ta bai hasi: nos ta keda konektá i partisipá den nos sirbishi i aktividatnan virtual. Stima, yuda i enkurasha otro!
Nos ta hasiendo orashon pa bo i ta konfia Dios. Nos ta enkurashá bo pa hasi meskos.
Sinti bo liber pa tuma kontakto ku nos pa kualke pregunta o preokupashon. Dios bendishoná bo i warda bo.

Nos iglesia no ta será, loke ta será ta nos edifisio.
Nos iglesia ta online, konektá ku nos aki

Pastor Lindon i Adillée Marselia