Christian Fellowship Ministries (CFM) a nase na kuminsamentu di añanan 70 durante un avivamentu poderoso na Merka bou di e hepinan, ku a risibí e nòmber: Jesus People Movement.

For di e avivamentu aki hopi iglesia a keda plantá, manera iglesia The Potter’s House na Prescott Arizona bou di liderasko di Pastor Wayman Mitchell. Pa medio di e avivamentu den su iglesia i su vishon pa evangelisashon mundial, e la kuminsa manda parehanan den kampo, na prinsípio solamente na Merka, pero despues tambe den tur nashon di mundu.

Na 1979 Pastor Mitchell a bin den kontakto ku un grupo chikí di estudio bibliko na Steenwijk, Hulanda. Ku yudansa di CFM iglesia E Porta a wòrdu fundá, prome na Steenwijk, despues na Zwolle. For di Zwolle – segun e vishon di CFM – iglesianan nobo a wòrdu fundá den aproksimadamente 40 suidat na Hulanda. Tambe pafó di Hulanda manera Peru, Sur Afrika, Lituania, China, Sürnam, Chile, Kòrsou, Aruba i Bonèiru.

Disipulado
Un di e gran diferensianan ku otro iglesianan ta e manera ku CFM ta trese disipulado den praktika. E palabra ‘disipel’ den Beibel ta nifiká siguidó. E 12 disipulonan di Hesus tabata su siguidonan. Esaki ta nifiká ku nan tabata pone den praktika loke Hesus a siña nan. Hesus no a manda su disipulonan na un skol di Beibel o na un universidat, pero Ela entrenanan den praktika di bida.

Evangelisashon
E iglesianan di CFM ta konsentrá nan mes riba trese e ser humano serka Kristu Hesus. Hopi di nos aktividatnan ta konsentrá riba esaki. Nos ta usa diferente “instrumento” pa alkansá esaki. Por ehempel evangelisashon den kaya, testimonionan, pelikulanan kristian, gruponan di musika i komedia.